Misiri: Abapolisi 24 biciwe muri Sinai

Umutekano mu gace ka Sinai wakomejwe cane, n’ikararo hagati y’igisagara ca Rafah n’akarere ka Gaza kirugarwa, mu gihe abapolisi bariko baragenzura muri Sinai bahasiga ubuzima.

Igisirikare bivugwa ko cakajije ibikorwa vyo guhasha intagondwa mu gace ka Sinai, hakomeje kuba ibitero kuva Hosni Mubarak akuwe ku butegetsi mu 2011. Uburaruko bwa Sinia bwahindutse akarere gateye impungenge kuruta ahandi mu gihugu cose ca Misiri kuva mu 2011.

Aya makuru dukesha BBC Gahuzamiryango, avuga ko abajejwe umutekano bagera kuri 70, n’igitigiri nk’ico c’abo bita abakora iterabwoba bamaze kuhasiga ubuzima kuva mu ndwi zitandatu ziheze.