Misiri: Igisirikare kiragabisha ku myiyerekano

Umukuru w’igisirikare ca Misiri, general Abdel Fattah Al-Sissi yatanze itangazo ryacishijwe kumuhora wa Facebook w’igisirikare, inyuma y’aho abantu benshi bihereje amabarabara mw’ijoro ryakeye.

Abagiye mur’iyo myiyerekano barenze ku ngingo y’umukuru w’igihugu yari yabujije imyiyerekano mu miji mikuru itatu.

Abantu barenga 50 nibo bamaze kurwa mu migumuko imaze iminsi.

Abanyamakuru bari i Cairo bavuga ko amajambo ya general Al-Sissi asa n’ayo guter’ubwoba mu buryo buteruye abarwanya Leta.

Ayo majambo abonekamwo kandi guhamagarira abantu gutekana no guhumuriza abanya Misiri mu kubibutsa uruhara rw’igisirikare.