Misiri: Umutekano urakajijwe i Sinai

Mu gace ka Sinai mu misiri hashizweko amategeko yo mu bihe bihambaye.

Abajejwe umutekano mu Misiri bavuga ko iyo ngingo yafashwe nyuma y’aho baronkeye amakuru y’uko abarwanyi ba Ki Islam bashaka kugaba ibitero ku nyubakwa za leta.
Ako karere gahana urubibe na Israel, kamye gahura n’ibibazo vy’umutekano muke.

Muri ano mezi, abajejwe umutekano mu Misiri bamaze igihe bategura ibikorwa bijanye no kugarukana umutekano, kandi ibiro biserukiye Ubwongereza vyagabishije ko ibitero bishobora kuba igihe ico arico cose.