Accueil > Amakuru > Muri Afrika > Mogadiscio : Amabombe yatewe yahitanye abagera kuri cumi n’umwe
Mogadiscio : Amabombe yatewe yahitanye abagera kuri cumi n’umwe
jeudi 2 Nzero 2014
Amabombe atatu yatewe imbere y’ihoteri Djazira iri hafi y’ikibuga mpuzamakungu c’i Mogadiscio, igisagara ca Somaliya, ihoteri isanzwe igenderwamwo n’indongozi mu butegetsi, yahitanye abagera kuri cumi n’umwe.
Nk’uko vyamenyeshejwe n’igipolisi c’i Mogadiscio, amabombe yatewe kuri uyu wa gatatu w’igenekerezo rya 1 Nzero 2014 yahitanye abagera kuri cumi n’umwe. Amakuru nayo ava mu gisata c’ubuvuzi akavuga ko igitiri c’abakomeretse kiguma ciyongora, ubu kikaba kigeze kuri 17 bakomeretse cane. Abdullahi Hussein, umwe mu banyagihugu b’i Mogadiscio ku metero 300 yahabereye ivyo bitero, avuga ko yumvise ikintu gikubise, abajejwe umutekano nabo baca batangura kurasa.
![](local/cache-vignettes/L605xH400/788733_policiers-et-habitants-sur-les-lieux-d-un-attentat-suicide-a-mogadiscio-le-4-octobre-2011-en-somalie-5cad5.jpg?1517375940)
Inyuma yaho haciye hakurikira n’ayandi mabombe mbere arimwo n’amasasu, kuri iryo hoteri nyene. Uwujejwe gufata amasanamu mu kinyamakuru Reuters yari aho haturiikiye amabombe, nawe akaba yemenyesheje ko inyuma y’iminota 30 hahejeje guturitswa amabombe abiri, yaciye haturika ikindi kibombe mu modokari abajejwe umutekano bariko barasuzuma.
Mwomenya ko ivyo bitero vyegekwa ku karwi k’abaroberi b’aba islamu bari murwi wa Al Chabaab, akarwi gasanzwe kagira iterabwoba muguturitsa amabombe i Mogadiscio. Bikavurwa kandi ko kuva na kera, abo ba Al Chebaab bari barashatse gutera iyo hoteri Djazira.
Mariella Bukuru
Messages
6 Ruhuhuma 2017, 21:40, par Pasikare
Yatereweheheyahitanyebangahenibandebayateye
6 Ruhuhuma 2017, 21:57, par Pasikare
Iyombantiyarikingiyemuyomunotakoataciyeajakwipimishaharahoyarigukiraporesana?