Nakonde : Urubibe ruhuza Tanzaniya na Zambiya rwugawe

Urubibe ruhuza Tanzaniya na Zambiya rwugawe, inyuma y’indwano zabereye ku ruhande rwa Tanzaniya.

Nk’uko vyandikwa na Times of Zambia, urubibe rwa Nakonde ruri mu Buraruko bwa Zambiya rwugawe biturutse kugutana mu mitwe kw’abanyagihugu bari mu migambwe itandukanye bo mu gisagara ca Tunduma mu gihugu ca Tanzaniya, bapfa itongo. Umunyamabanga ntayegayezwa w’intara ya Muchinga, Bright Nunbwe, avuga ko iyo ngingo yafashwe, mu gihe babona ko izo ntambara zashobora gutandukira igihugu cabo, urubibe basangiye rugahungabanywa n’abo bariko baratana mu mitwe.

Bright Nunbwe avuga ko hari bamwe baciye bikika mu kiza, kugira bashobore gusahura, binjiza mu gihugu ca Zambiya, abo nabo bakaba batorohewe kuko imbibe zari zugawe n’igiporisi, kandi carikanuye. Ku birometero bigera kw’icumi uja muri Tanzaniya, akaba ariho mbere bimwe mu biduga bisanzwe bitwara igitoro vyugaraniwe bigera nko ku majana atanu. Amaduka nayo yo ku rubibe rw’igihugu ca Tanzaniya gihana na Zambiya, arugaye,abadandaza bakaba batigeze bugurura.