Accueil > Inkino > FOOTBALL > Neymar yatahukanye umupira w’inzahabu
Neymar yatahukanye umupira w’inzahabu
lundi 1er Mukakaro 2013
Umukinyi ava mu gihugu ca Brezil Neymar niwe yatowe nk‘umukinyi wa mbere yarushije abandi mu mahiganwa y‘igikombe c’imirwi yabaye iyambere iwabo, aca ahabwa umupira w ‘inzahabu.
- Neymar
Umupira w ‘Ifeza wagiye mu gihugu ca Espange uhabwa umukinyi Andres Iniesta. Paulinho nawe yaronse umupira wo mu butare bwa bronze.
Umutariyano Andrea Pirlo, Umunya Urguey Luis Suarez n’umunya Espagne Sergio Ramos baratowe, ariko ntagashimwe baronse.
Ibirato vy’inzahabu vy‘umukinyi yatsinze ibitsindo vyinshi muri izo nkino vyaronkejwe umukinyi akomoka muri Espange Fernando Torres yatsinze ibitsindo bitanu.
Fred wo muri brezil nawe yarashikanye ibitsindo bitanu ariko agashimwe karonse Torres bisunze igitigiri c’inkino yakinye n’igitigiri c’iminota yashoboye gukina.
Julio Cesar wo mu gihugu ca Brésil yaronse inkingirabiganza (gants) z’inzahabu nk’umusamyi yarushije abandi muri izo nkino gufata ibitsindo vyinshi.
- Fernando Torres
- Julio Cesar
Prosper Ndayikeza
