Accueil > Amakuru > Utuntu n’utundi > Ni kubera iki twihuta kwibuka amasanamu kuruta amazina
Ni kubera iki twihuta kwibuka amasanamu kuruta amazina
mercredi 19 Ruheshi 2013
Bishikira ko umuntu ashobora kukwegera asa n’uwushaka kukumenya.Mwoba mwarabibonye ahantu? Birashika, ukamwibagira izina. Umwanya ugorana kurusha iyindi, nk’uko bimenyeshwa n’abashakashatsi bo mu kigo Sciencefriday n’abo mu kigo Slate.
Ica mbere, dukwiye kumenya ko ubwonko bwacu bwihutira gufata ivyo tubona kurusha nk’izina twumvise.Turi ibiremwa bibona nk’uko vyemezwa n’umushakashatsi E. Clea Warburton. Ubwonko bwacu bushobora cane gufata amakuru tubona kuruta ayandi makuru y’ubundi buryo bwose.
Ikindi kandi, isanamu niyo ya mbere umuntu ashobora gufata k’uwundi, kuruta ibindi nk’i gitsina ciwe, imyaka, ubwoko,…Hariho mbere akarere mu bwonko bwacu twovuga ko kabika amasanamu y’abantu uba waramaze kubona kandi ako karere kajejwe ivyo gusa.
Birashika ko ako karere kagira ingorane yo kwibuka amasanamu woba warabonye. Abantu bagira iyo ngorane boba barenga ibice bibiri kw’ijana kw’isi yose bashobora kwibuka gusa ibintu bama babona imisi yose, nk’iterefone agakombe ko kunywesha icayi canke imodokari, ariko ntibashobora kwibuka amasanamu, naho yoba ari ababanyi canke incuti.
Prosper Ndayikeza
