Nicolas Sarkozy n’umugambwe wiwe basabwe kuriha ihadabu

Inama nkuru y’Ubufaransa yubahiriza ibwirizwa shingiro, yarafashe ingingo ku munsi wa kane igenekerezo rya 4 mukakaro yo kurihisha umugambwe wa Nicolas Sarkozy amafranga agera ku miriyoni 11 y’amafranga y’abanyaburaya, hamwe n’ibihumbi 500 vy’amanyaburaya ku wahoze arongoye igihugu c’ubufaransa Nicolas Sarkozy.

Abagize iyo sentare bakaba bari bahejeje kwanka kwemeza amafranga yakoreshejwe mu gihe co kwiyamamaza k’uwahoze ari umukuru w’igihugu c’aubufaransa Nicolas Sarkozy hamwe n’umugambwe wiwe UMP, kuko barengeje uburyo bemererwa n’amategeko. Iyo ngingo ikazotuma haba ingorane y’ubutunzi ikomeye mu mugambwe wa nicolas Sarkozy aho umukuru w’uwo mugambwe jean Francois coppe,yamenyeshejeko yatumiriye abanywanyi b’umugambwe wiwe hamwe n’abatowe muri uwo mugambwe UMP, kugira batoze amafranga azibira ikinogo kivuye kukuriha iryo ihadabu.

Ku vyerekeye naho ibihumbi 500.000 vy’amafranga y’abanyaburaya Nicolas sarkozy ategerezwa kuriha ,ngo ni amafranga bakoresheje bakuye mu kigega ca Leta kugira bashobore kwiyunguruza mu miduga, muri za kajugujugu ) kandi yabikora yitwaje ko yari uwuhiganwa kandi ari ku butegetsi, na cane cane ko yari umukuru w’igihugu.