Nigeria: Abantu 47 bapfuye,abarenga 50 barakomereka mu gitero c’abihevyi

Abantu 47 barapfuye abashika 50 barakomereka mu gitero cakozwe mu buraruko bushira ubuseruko bw’igihugu ca Nijeriya kuwa kabiri igenekerezo rya 11 Myandagaro,mu gace kabangamiwe n’ibitero vy’umurwi Boko Haram.

Umuvuzi ku bitaro vy’ahitwa Biu muri Reta ya Borno yavuze ko ico gitero cabaye inyuma y’umutaga amasha haba hari uruja n’uruza runini,abakomeretse nabo babazana bavuye kw’isoko iri mu gace kitwa Sabon Gari.

Amakuru y’ivyononekaye aremezwa kandi n’igisirikare aho cemeza ko abantu 47 aribo bapfuye,52 nabo barakomereka.