Nigeria : Agahinda niko kuzuye abari barindiriye abageni

Abantu barenga kuri 30 nibo bagandaguriwe mu Buraruko bushira Ubuseruko mu gihugu ca Nigeria, igihe bariko baja gushingira abageni nk’uko vyashikirijwe n’abamwe mu ncuti z’abahitanywe n’intagondwa z ’abasiramu bo mu muhari wa Boko Haram.

Mu gihe abo bageni bari bashitse mu ntara ya Borno, umurwi w’izo ntagondwa witwaje ibirwanisho ukaba waciye ubugururirako umuriro, maze abarenga 30 baca barahasiga ubuzima ubwo nyene, mu gihe abandi bakomeretse cane. Ikindi kandi, ni ukwo yaba abageni canke bamwe mu ncuti za hafi z’abari baroye gushinga urwabo nabo nyene baguye muri uyo mutego, igihe bari bavuye mu misa y’uguhezegira abo bageni i Michika hafi ya Adamawa.

Uwabonye ako kaga, avuga ko vyari biteye agahinda n’ubwoba kubona inganda zatikiriye ahantu hari hano, abantu bishwe baryamye mw’ibarabara. Ababibonye bakavuga ko urupfu rw’abo bantu rwari rubabaje cane, kuko bishwe urw’agashinyaguro, mu gihe ibiziga bimwe basize babimanitse kwi barabara, biboheye ku biti hejuru. Mu muryango akaba yari amarira gusa avanze n’agahinda ntangere.

Uyo murwi w’iwo ntagondwa rero ukaba uriko urakurikiranwa n’abajejwe umutekano, mu gihe badasiba kwiha inkumbi aho muri Nigeria. Gushika ubu abashoboye kurokoka bakaba bariko bavurirwa mu bitaro vya Maiduguri aho nyene muri Nigeria.