Nigeria: Ibitero vyahitanye 25 muri Ganye

Ibitero vyagabiwe icarimwe mu bibanza bitandukanye vy’umuji wa Ganye hafi y’urubibe na Cameroun.

Ivyo bitero vyagabwe ku munsi wa gatanu, ariko igitigiri vyahitanye camenyekanye kuwa gatandatu.

Nta murwi uremeza ko wagavye ivyo bitero, ariko igipolisi gitunga agatoke Boko Haram, umutwe w’intagondwa z’aba islam.

Umukuru w’igipolisi muri Leta ya Adamawa, avuga ko hamaze kumenyekana ko abapfuye ari 25, barimwo umukuru w’ibohero, umupolisi hamwe n’umunyapolitike.

Abagavye ivyo bitero bagiye barekuje igitigiri kitamenyekanye c’abanyororo.