Accueil > Amakuru > Muri Afrika > Nigeria: Imigambwe itavuga rumwe na Leta yagize urunani
Nigeria: Imigambwe itavuga rumwe na Leta yagize urunani
dimanche 12 Rusama 2013
Imigambwe mikuru muyitavuga rumwe na Leta ya Nigeria yagize urunani kugira izotsinde umugamwe uri ku butegetsi wa Goodluck Jonathan mu matora yo mu mwaka w’2015.
Imigambwe ibiri, CPC na ANPP yamenyesheje iyo ngingo mu nama zayo zidasanzwe zabaye ejo ku musi wa gatandatu igenekerezo rya 11 Rusama 2013.
Uwundi mugambwe, ACN, wamaze kumenyesha ko nawo nyene uzokwiyunga n’urwo runani.
Hasigaye ko umugwi ujejwe gutegura amatora wemeza urwo runani ukarwandika, gutyo rukabona gutangura gukora ku mugaragaro.
Umugambwe uri ku butegetsi PDP, umaze gutsinda amatora yose y’umukuru w’igihugu kuva aho intwaro muri Nigeria isubiriye mu minwe y’aba civile mu mwaka w’1999.
Egide Nduwimana
