Nigeria : Umukuru w’igihugu yatabaje amakungu

Inyuma yaho abakenyezi bo mu gihugu ca Nigeria bagiriye imyiyerekano basaba ko abana b’abigeme bafashwe n’abarwanyi bo muri boko haram borekurwa, umukuru w’ico gihugu yatabaje amakungu.

Umukuru w’igihugu ca Nigeriya Goodluck Jonathan akaba yasavye Reta zunzubumwe z’Amerika gukora ibishoboka vyose, zikaja kubafasha gutuza izo ntagondwa zihurikiye mw’idini rya Islam, zica zikuzako abanyagihugu. Avuga ko bakeneye n’imfashanyo y’ibindi bihugu bibanyi canke vya Buraya, kugira bize kubafasha, mu gihe aba boko haram barembeje abanyagihugu b’inzirakarengane.

Bimwe mu bihugu nk’Ubufaransa, Ubwongereza, Ubushinwa, Cameroun, Tchad, Niger na Benin vyoba bimaze gusabwa na Reta ya Nigeriya ko bobafasha mu kubakurako izo nkozi z’ikibi. Umukuru w’ico gihugu rero, akaba yagaragaje agashavu, kuva aho abigeme bagera kuri 223 banyururijwe n’abo barwanyi bakuwe ku mashure, aho bivugwa ko boba ndetse bagiye gukorerwa ibikorwa bigayitse vy’ugushurashuzwa ku nguvu