Accueil > Amakuru > Muri Afrika > Nigeria : Umukuru w’igihugu ntiyagishijwe inama ku vyerekeye kwigiza inyuma (...)
Nigeria : Umukuru w’igihugu ntiyagishijwe inama ku vyerekeye kwigiza inyuma amatora
jeudi 12 Ruhuhuma 2015, par
Umukuru w’igihugu ca Nigeria Goodluck Jonathan avuga ko atigeze agishwa inama imberre y’uko ikiringo c’amatora y’umukuru w’igihugu n’inama nshingamateka cigizwa inyuma.
![](local/cache-vignettes/L620xH387/goodluck-62c0e.jpg?1518069355)
Ntabwo bigeze barinda kumbaza kandi n’ubu ntabwo nkeneye ko barinda kubincishako, Goodluck Jonathan akaba yavyishuye mu kiganiro c’ikibiraho yagiranye n’abanditsi n’abamenyeshamakuru.
Uwo mukuru w’igihugu amenyesha ko ari abajejwe gutunganya amatora bafashe iyo ngingo bavyumvikanyeko n’abajejwe umutekano. Abo nabo bari bafise umutima uhagaze bitumwe n’imigumuko yariko iba mu Buraruko bushira Ubuseruko bw’ico gihugu. Muri ico gihugu, abenshi bakaba batinya ko umutekano muke ushobora kwitazwa mu ntumbero yo kwigizayo kugira bikunde uwo mukuru w’igihugu abandanye atwara.
Tubamenyeshe ko amatora yarategekanijwe mu ndwi iza yashizwe kuwa 28 Ntwarante. Umukuru w’igihugu ca Nigeria akaba yizera ko umutekano uzoba wateye imbere mu ndwi ziza kugira bize bikunde amatora ashobore kuba.
Floxella Karire