Nigeriya: Abantu cumi n’icenda bagandaguwe

Nk’uko bishikirizwa n’uwari muri ico kibanza ibara ryagwiriyemwo, muri kano gatondo inkozi y’ikibi yitwaje inkoho yihaye inkumbi igandagura abantu bagera kuri cumi n’icenda, harimwo abagore n’abana, mu karere ka Ataka kari hagati y’intara ya Kaduna na Plateau.

Uwo mwicanyi yikekwa kuba ari mu borozi b’inka b’abayisilamu basanzwe baguma bimuka mu mpande zose, barondera uburagiro bw’ubusho bwabo.

Abamenyeshamakuru bibutsa ko ritabaye irya mbere ako karere gatewe kuko no mu gihe giheze habereye ibitero.