Ntarigera arenga i Vatikano kuva mu 2002

N’aho ibihugu vya Buraya vyamufatiye ingingo kuva mu mwaka w’2002 ko bidakeneye ku mwumva yakandagije ibirenge vyiwe ku butaka bw’ivyo bihugu, umukuru w’igihugu ca Zimbabwe Robert Mugabe, avuga ko azoreka kuja muri ivyo bihugu, ko mugabo azokwama yigira kuramutsa Nyene Ubweranda.

Umukuru w’igihugu ca Zimbabwe n’ubu ntaribagira ukuntu bagenziwe bahuriye mu birori vyo kwimika Nyene Ubweranda Papa Francois kw’igenekerezo rya 19 Ntwarante uyu mwaka w’2013, aho abakuru bibihugu bishika kuri 30, harimwo n’abandi 2 bo muri Afrika, bari bitavye ivyo birori, ariko ntashobore gufata akanya nawe ngo agiriranire ibiyago na bagenziwe, nk’uko abandi umunezero wari wose.

Mugabe rero iyo akumbuye gutemberera i bihugu vya Buraya, aca afata indege ikamujana gushika i Roma mu Butariyano, ariko urugendo rwiwe ruba ari urumujana i Vatican kwa Papa. Bivurwa ko aba Papa 3 bose yagiye kubaramutsa ku kirimba arikumwe n’umutambukanyi wiwe Grace, asokoje neza, insokozo bita Turban Turquoise, ariko aho hose bakaba badashobora guca kuruhukira mu mahoteri meza meza yo mu bihugu nk’Ubufaransa, Ubwongereza, Ubudagi, n’ahandi.

Mugabe rero w’imyaka 89, akaba ari mu bakuru b’ibihugu bike vyo muri Afrika bashobora ku guma ku ngingo baba bafashe ukwo yoba imeze kwose n’aho yoba ari mbi, kandi ngo naho amakungu yose yomuvira hasi, we ntaco bimutwara.