Accueil > Amakuru > Mu makungu > Nyina wa Michael Jackson yatsinzwe urubanza
Nyina wa Michael Jackson yatsinzwe urubanza
dimanche 1er Ruhuhuma 2015, par
Nyina wa Michael Jackson yatsinzwe urubanza aho yagiriza ikigo catunganya ibiteramo vy’umuziki wiwe kuba carishe umuhungu wiwe.
![](local/cache-vignettes/L620xH350/la_mere_de_michael-31c10.jpg?1517338258)
Uwo muvyeyi wa Michael Jackson Katherine, yashaka ko ikigo AEG kimushumbusha amahera arenga umuriyaridi n’igice kubera urupfu rw’umuhungi wiwe. Nyina wa Michael Jackson yatsinzwe urubanza rwungurujwe yagiriza ikigo gitunganya ibiteramo vy’umuziki, kuba carishe umuhungu wiwe.
Katherine Jackson yitwariye ikigo AEG Live avuga ko cafashe ibintu minenerwe mu guha akazi umuganga yagiriwe n’icaha co guha umuhungu wiwe umuti w’ikirenga, ukamuhitana. Ariko sentare y’iyungururizo muri California yavuze ko umuganga Conrad Murray, yavura Michael Jackson nk’umuganga yigenga.
Mukibuka ko muganga Murray yarasanzwe akurikirana umuririmvyi Michael Jackson yagirijwe n’icaha co kwica atabifitiye umugambi.
Floxella Karire