ONU isaba Tanzaniya kugira amatohoza ku wuherutse kunyuruza umunyamwema

Umwe mu bategetsi b’ishirahamwe mpuzamakungu ONU asaba abategetsi b’igihugu ca Tanzaiya kuira amatohoza ku mwana w’umunyamwema aherutse kunyuruzwa.

Uwo mwana w’umwigeme yanyurujwe akaba yari afise imyaka ine gusa y’amavuko, akaba yatwawe n’umuntu yari afise ishoka kuri uyu wa 27 Kigarama umwaka w’2014. Uwo yatwaye umwo mwana akaba yabanje kuboha umuvyeyi wiwe. Uwo mwana w’umunyamwema yanyurujwe akaba agize uwa 70 anyurujwe canke yishwe aho mu gihugu ca Tanzaniya, nk’uko vyagiye birashikirizwa n’amashirahamwe mpuzamakungu yitaho agateka ka zina muntu.

Bamwe mu banyamwema bo muri ico gihugu ca Tanzaniya, bakaba barataye barahunga kugutinya ko bicwa canke ngo bacibwe bimwe mu bihimba, kugira abafyitirizi baheze baje kubikoresha mu bikorwa vy’abarozi.