ONU yipfuza gutorera inyishu ikibazo c’abatagira ubwenegihugu

Ishirahamwe mpuzamakungu riraba impunzi kw’isi HCR rishaka kuba ryakemuye ikibazo c’abatagira ubwenegihugu mu myaka cumi.

Iryo shami rya ONU rijejwe impunzi kw’isi ryatanguje isekeza ryo kurandurana n’imizi ikibazo c’abatagira ubwenegihugu, batagire igitabo c’inzira. HCR ishaka ko mu myaka cumi iri imbere ata muntu nk’uyo yoba agihari.

Bena abo bantu usanga ahanini bagizwe n’abavukiye mu makambi y’impunzi canke imigwi y’amoko yatotejwe. Umuyobozi mukuru wa HCR, Antonio Guterres, ahamagarira ama Reta kuronsa ubwenegihugu abana bavukiye muri ivyo bihugu.

Umuyobozi mukuru wa HCR, Antonio Guterres

Antonio Guterres asaba ko ibihugu vyinshi vyogenda birorohereza bene abo bantu badafise ubwenegihugu canke ivyo bitabo vy’inzira.