Pakistan : Abantu 30 bahitanye n’igisasu

Igisasu caturikiye mw’isoko mu gisagara ca Peshawar mu buraruko bushira ubuseruko bwa Pakistani cahitanye abantu bashikamirongo itatu na batatu (33) abandi benshi barakomereka.

BBC dukesha iyi nkuru imenyesha ko igipolisi kivuga ko ico gisasu caturikiye mw’isoko rya Kissa Khwani, amaduka n’imiduga birasha.
Ico gisasu gikurikiye ibindi bibiri vyaturitse mu ndwi iheze bihitana abantu bashika mirongo umunani (80) kw’isengero riri mu gisagara.

Kuwa gatanu w’iyi ndwi iheze abantu bashika cumi n’indwi (17) barishwe igihe imodoka yari itwaye abakozi ba Leta yaturikiramwo igisasu hafi y’igisagara ca Peshawar.

Ico gisagara ca Peshawar niwo muji mukuru w’intara ya Khyber Pakhtunkhwa, ukaba muri ino myaka ubangamiwe n’ibitero vyinshi vy’ibisasu, bikavugwa ko biterwa n’abarwanyi b’aba Taliban.