Papa Francois asaba abayoboke ba katorika i Buraya kwakira abimukira

Umwungere w’ishengero rya katolika, Papa Francois, ahamagarira abayoboke b’ishengero katolika ku mugabane wa Buraya wose,gufasha mu gutorera inyishu ikibazo c’abimukira.

Papa Francois yasavye ko amaparuwase yose, ahabera amasengesho hose n’ahandi hose ku mugabane wa Buraya hari abemera, kwakira umuryango w’abimukira.

Yavuze ko paruwase zibiri z’i Vaticano mu Butariyano zikwiye gutanga akarorero mu kwakira imiryango ibiri.

Mu gihugu ca Israel, umushikiranganji wa mbere Benjamin Netanyahu yanse ivyasabwe n’abatavuga rumwe na Reta ,aho basaba gutanga ubuhungiro impunzi ziva mu gihugu ca Siriya.

Benjamin Netanyahu yavuze ko Israel itirengagiza umubabaro w’abimukira, ariko ko igihugu ari gito cane kugira gishobore kubakira.