Patrice Motsepe agire ahe abakene igice c’umutungo wiwe

Umwirabura wa mbere atunze kurusha abandi muri Afrika y’efo, Patrice Motsepe, agiye gutanga igice c’umutungo w’umuryango wiwe akurikije irugero rwa Bill Gates na Warren Buffett.

Bwana Motsepe, ni umutunzi akomeye yimba ubutare, akaba afise umutungo ungana n’imiriyaridi zibiri n’igice z’amadolari.

Amahera ashaka gutanga agomba ko bayashira mu kigega kizofasha gusununura ubuzima bw’abakene bo muri Afrika y’epfo.

Abatunzi bakomeye kw’isi barenga mirongo indwi baramaze kuja mu mugambi watangujwe na bwana Gates hamwe na bwana Buffett, wo gusaba abakire bo kw’isi ngo batange igice c’umutungo wabo ku mashirahamwe y’abagiraneza.