Philippines: Megan Young yakiranywe icubahiro

Megan Young, ni we yatowe kwari umukobwa mwiza wa mbere kw’isi yose mu mwaka w’ 2013 ‘’miss monde 2013’’. Kuri uyu wa gatanu igenekerezo rya 11 Gitugutu 2013 niho yakiriwe mu muryango wiwe, mu gihugu ca Philippines ari naco yari aserukiye muri ayo mahiganwa.

Megan Young yakiriwe mu gihugu ciwe, ukaba wari umunezero ukomeye cane kuko uwo mukobwa yateye iteka igihugu ciwe kuko mu bakobwa bangana 120 bahiganirwa ico kibanza, uwo munya Philippine niwe yahavuye atorwa kurusha abandi kubera ubwiza, ubwenge no kubana neza na bagenzi biwe yarushije abandi bose.

Ibirori vyo gutora Miss World 2013 vyabaye kw’iitariki ya 28 Nzero 2013 muri Indonesia vyari bikomeye cane kuko hari imyiyerekano y’abasilamu b’abahezanguni barwanya amatora ya miss w’isi, kubera ko abakobwa bitoza baba bambaye impuzu ziteye isoni.

Ku ncuro ya 63 isi itora umukobwa mwiza kuruta abandi, uyo mukobwa Megan Young ni we yatahanye ico kibanza c’umwigeme mwiza kw’isi yose akaba yasubiriye Wenxia Yu wo mu Bushinwa. Amabarabara y’i Manila muri Philippines abantu bari bayuzuye, baje kuraba uwo mukobwa wabo yatsinze ibihugu vyose kubera ubwiza bwiwe.