RDC: Hatanguye imyiyerekano yo kwiyamiriza ko amatora yigizwa inyuma

Kuri uno wa kabiri igenekerezo rya 15 Nyakanga2015 ,Imigambwe itavugarumwe na Reta muri Republika iharanira Demokrasi ya Kongo yahamagariye abanywanyi bayo kwitaba imyiyerekano yo kwiyamiriza ko amatora y’umukuru w’igihugu yigizwa inyuma.

Amatora y’umukuru ategeanijwe mu kwezi kwa Munyonyo umwaka uza w’2016.Mu ndwi iheze,sentare ijejwe kwubahiriza ibwirizwa nshingiro yasavye ko ikirangaminsi c’amatora gisubirwamwo.

Ingingo yo kwigiza inyuma amatora yatumye abatavuga rumwe na Reta,bavuga ko ari imigambi yo gutuma umukuru w’igihugu Joseph Kabila aguma ku butegetsi kandi ikiringo ciwe carangiye.

Mu kwezi kwa mbere, imyiyerekano yo kwiyamiriza ko ibwirizwa nshingiro rihinduka,rigahava rituma amatora ateba,yaguyemwo abantu bashika 36.

Umukuru w’igihugu Joseph Kabila yashitse ku butegetsi mu mwaka w’2001.Ibwirizwa nshingiro ry’igihugu rivuga ko ata mukuru w’igihugu arenza ibiringo bibiri atwara igihugu.