RDC : M23 yagirizwa guhohotera abanyagihugu

Monusco iragiriza abarwanyi ba M23 ko bahohotera abanyagihugu bo mu buseruko bwa Repubulika iharanira intwaro rusangi ya Congo, mu karere ka Rutshuru.

Mu matohoza yakozwe n’abahinga bo muri Monusco, abanyagihugu baharurwa muri mirongo itatu nibo boba barishwe n’abarwanyi ba M23 babagiriza gukorana n’imirwi y’ababarwanya.

Monusco yagiriza kandi M23 kuba yinjiza urwaruka ku nguvu mu murwi wabo, ivyo bakabikora kugira basubirize abarwanyi babo bamaze iminsi barwa mu ngwano zibahuza n’abasirikare.

Mukaba mwomenya ko ata minsi myinshi yari bwahere Monusco igabishije M23 ibagiriza ko aribo barashe kajugujugu za Monusco mu buseruko bwa Repubulika iharanira intwaro rusangi ya Congo, Monusco ikaba yaciye imenyesha ko igiye gukurikirana mu butungane abategetsi ba M23.