Real Madrid na Atletico Madrid mu rukino rwa nyuma : Ni nde muhigwe?

Amahiganwa ya Champions League yaraye asobanuye imirwi kuva mu mwaka uheze yariko itana mu mitwe kugira ishike ku ntsinzi maze itahukane igikombe gikomeye co ku mugabane wa Buraya. Imirwi yo mu gihugu ca Espagne niyo igiye guhangana mu rukino rwa nyuma.

Abakinyi ba Real Madrid

Urukino umurwi wa Chelsea watsindiwemwo na Atletico Madrid rwarangije inkino z’igice ca kabiri gishira ica nyuma. Imirwi ya Atletico Madrid na Real Madrid yo muri Espagne niyo izokina urukino rwa nyuma ruzoba kw’igenekerezo rya 24 Rusama. Hazoba ari ku kibuga c’i Lisbonne muri Portugal. Espagne yari ifise imirwi 3 yari yayiserukiye, harimwo na FC Barcelone yavuyemwo mu gice ca kane c’amahiganwa. Umurwi wa Atletico Madrid uri kw’isonga ry’inkino za La Liga ku manota 88 naho uwo murwi usigaje inkino 3 harimwo urwo uzokina na FC Barcelone kw’igenekerezo rya 18 Rusama, Real Madrid ufise ikibanza ca kabiri ku manota 82.

Mu nkino 35 zo muri La Liga, Atletico Madrid imaze gutsindwa kabiri gusa kandi naho nyene watsinzwe n’imirwi isanzwe nka Osasuna. Uwo murwi ufise urukino rwo kw’igenekerezo rya 18, inyuma y’iminsi 6, uheze uhangane na Real Madrid

Abakinyi ba Atletico Madrid

Mwomenya ko kuva muri Ruheshi 2013 ariho ishirahamwe rya Buraya ry’umupira w’amaguru (UEFA) ryatanguje amahiganwa ya Champions League ku ncuro ya 59. Imirwi 76 iva mu bihugu 52 biri muri UEFA niyo yitavye ayo mahiganwa.