Accueil > Amakuru > Utuntu n’utundi > Red bull mu binyobwa bifise ingaruka mbi ku magara y’abantu
Red bull mu binyobwa bifise ingaruka mbi ku magara y’abantu
mardi 1er Gitugutu 2013
Ikigo cishinze gukingira amagara y’abantu biciye muvyo bafungura ANSES (Agence de Sécurité Sanitaire de l’Alimentation) ryagabishije abanywa ibinyobwa bimwe bitanga inguvu (boissons énérgisantes), nk’akarorero RED bull, bazivanze n’inzoga canke bakazinywa bari mu myimenyerezo canke ikarashishi. Ico kigo kimenyesha ko bifise ingaruka mbi ku magara y’abantu.
Nk’uko bimenyeshwa n’ico kigo, hari abantu benshi bakunda bakunda kwihereza ico kinyobwa. Icegeranyo casohowe kuri uno wa kabiri igenekerezo rya 1 Gitugutu n’ico kigo cishinze gukingira amagara y’abantu biciye muvyo bafungura, cerekana ko ivyo binyobwa bitari bikwiye kunyobwa bifatanijwe n’izindi nzoga, canke mu gihe umuntu ariko arakora imyimenyerezo ikomeye. Mu bisanzwe ivyo binyobwa bifise bimwe bita cafeine bitari bike, ku buryo ico kinyobwa gishobora gutera ingaruka mbi, harimwo n’indwara y’umutima. Ku bana hamwe n’imiyabaga, kunywa ivyo binyobwa birashobora gutuma abo bana bagira ingorane zo kubura itiro, canke naho bakaguma bisinzirirako ku murango. Ni nayo mpamvu ico kigo kigabisha cane abanywa ivyo binyobwa.
Ikindi kandi abantu barwaye indwara y’umutima barabuzwa kunywa ico kinyobwa hamwe n’abagwaye intandara, canke indwara zo mu mutwe, canke abarwaye indwara y’igitigu.
![](local/cache-vignettes/L345xH194/redbull-afp-7ba64.jpg?1517393072)
Floxella Karire