Rwanda: Rwaronse ikibanza ca mbere mu kwonsa abana cane

U Rwanda ngo ruza imbere kw’isi mu kwonsa abana cane, nk’uko biri mu cegeranyo gishasha c’ishirahamwe ry’abagiraneza Save the Children.

Abahinga bavuga ko umwana yonse amezi atandatu akurikirana aba asumvya incuro 15 uwutonse amahirwe yo kudahitanwa n’indwara zimwe zimwe nk’umusonga n’ugucibwamwo.

Ariko n’ubwo ico cegeranyo ahatari hake muri Afrika kwonsa biteye imbere, ariko ngo ibihugu bitari bike vy’uwo mugabane biracari inyuma mu guteza imbere ubwo buryo bworoshe cane bwo kugaburira no gukingira umwana.

Mu Rwanda n’ubwo ngo hari abavyeyi bashobora kubura akanya ko kwonsa, n’ibisanzwe kubona umuvyeyi ariko aronkereza ahagaragara.
Hari mbere n’abashobora kwonsa aho batonze kwa muganga, kw’isoko canke mbere no muri bisi.

Mu mategeko yo mu Rwanda , umuvyeyi ararekuriwe isaha imwe yo kuja kwonsa mu mwanya w’akazi gushika umwana ageze ku mezi 15.