Seleka na Anti balaka mu kangaratete ka ONU

Abashakashatsi mw’ishirahamwe mpuzamakungu ONU bamenyesha ko yaba umuhari wa SELEKA canke aba ANTI BALAKA bose bakoreye amahano abanyagihugu.

Mu cegeranyo abo bashakashatsi badasaznwe bahaye inama ijejwe amahoro n’umutekano mw’ishirahamwe mpuzamakungu ONU, bavuga ko iyo mirwi uko ari ibiri yakoreye amahano abanyagihugu. Abo bashakashatsi bakavuga ko mu makambi atandukanye y’abateshejwe izabo, abanyagihugu bakorewe amabi menshi atandukanye, kandi babifitiye ivyemezo, eka ndetse n’ivyegeranyo babifise, ari naco gituma iyo mihari itoshira agati mu ryinyo.

Mwomenya ko abo bahinga bo mw’ishirahamwe mpuzamakungu ONU bemeza ko izindi nteko zikenewe kugira zifashe mu kugarukana amahoro muri ico gihugu ca Centrafrika, kuko n’ubu iyo mihari igifise abantu bagenda barahungabanya abandi, aho babona ko n’ubu ihonyabwoko muri ico gihugu rishobora kuhaba, hamwe amakungu atokanura maremare.