Senegal: Hissène Habré yasubiye kurenguka imbere ya sentare

Hissène Habré yahoze arongoye igihugu ca Tchad yasubiye kurenguka imbere ya sentare kuri uno wa mbere igenekerezo rya 7 Nyakanga 2015.

Hissène Habré yagirizwa ivyaha vyo mu ntambara,ivyaha bisinzikaza agateka ka zina muntu hamwe,guhohotera ikiremwa muntu,n’ibindi vyaha vyakorewe mu gihugu ca Tchad yari arongoye.

Igihe Hissène Habré w’imyaka 72 y’amavuko aheruka kurenguka imbere y’ubucamanza,ari kumwe n’abamuburanira baranse kwitaba sentare basigura ko batemera ubucamanza,biba ngombwa ko bakoresha abasore bafise inguvu kugira bamushikane imbere y’ubutungane.

Kw’igenekerezo rya 20 Mukakaro 2015,igihe urubanza rwiwe rwatangura, Hissène Habré yanse kugira ico avuze imbere y’abacamanza avuga ko atizeye ubutungane.
Hissène Habré yahawe ubuhungiro muri Sénégal inyuma yo gutembaganzwa ku butegetsi na Idriss Deby Itno arongoye igihugu ca Tchad muri iki gihe.

Yagirizwa ivyaha vyakozwe hagati y’umwaka wa 1982 na 1990. Ababuranira abakorewe ivyaba vyitezwe ko bazoburanira abantu bashika 4000 bakorewe ivyaha bitandukanye na Hissène Habré.