Sentare ntahinyuzwa muri Kenya yemeje intsinzi ya Uhuru

Sentare ntahinyuzwa muri Kenya yemeje ko Uhuru Kenyatta ariwe yatsinze amatora y’umukuru w’igihugu, isubiza inyuma ikirego ca Raila Odinga.

Bwana Kenyatta yaronse intsinzi arushije Odinga amajwi make cane, ariko nta ngunga ya kabiri y’amatora yakenewe.

Raila Odinga yari yashikirije ikirego muri sentare avuga ko habaye ubusuma mu matora, akavuga ko amajwi ya Kenyatta yongerejwe.

Abantu barenga igihumbi barishwe mw’itana mu mitwe ryabaye haciye imyaka itanu nyuma y’amatora, ariko amatora y’uno mwaka yaranzwemwo umutekano.