Accueil > Amakuru > Muri Afrika > Abashabab baremeza ko aribo bateye ibiro bikuru vya ONU i Mogadiscio
Abashabab baremeza ko aribo bateye ibiro bikuru vya ONU i Mogadiscio
mercredi 19 Ruheshi 2013
Abashababu baremera igitero bagize ku bigo vy’ishirahamwe mpuzamakungu ONU.
Abihevyi b’abasomaliya bava mw’idini ry’ ababisiramu bo mu murwi wa shebab bamenyesheje kuri uyu wa gatatu ko aribo bateye ibigo bikuru vya ONU i Mogadisco.
Inyuma y’uguturitsa ibibombe vyinshi ku murwa mukuru wa Somaliya, n’inkoho nyinshi zurumvikanye muri uyo mwanya, ndetse akaba atawasubiye kumenya impande ziriko ziravurwamwo ivyo birwanisho, kuko igisagara cose zari inkoho gusa zisamirana, nk’uko vyemezwa na bamwe mu banyagihugu baba aho i Mogadishio.
Ico gitero rero kiriyamirizwa n’abatari bake, narirya uyo murwi w’iterabwoba utagera umutwe amashirahamwe mpuzamakungu, yaba ayaharanira agateka ka zina muntu kuko nko mu myaka iheze impunzi zitashobora gufashishwa ikintu na kimwe, imirwi y’abashabab baca babitwara canke bagahana bimwe vy’akarorero umunyagihugu wese yohirahiriye ngo arakiriye imfashanyo.
Umukuru w’abashebab yavugiye kw’iterefone yemeza ko inyuma yo guturitsa ibimbombe baciye binjira gutana mu mitwe nabo bavuga ko badasangiye ukwizera.
Ivyononekaye si bike naho bitamenyekana neza.
Dorine Irambona
