Côte d’Ivoire : Simone Gbagbo yaciriwe gufungwa imyaka 20

Simone Gbagbo , umupfasoni w’uwahoze arongoye igihugu ca Côte d’Ivoire, yaciriwe umunyororo w’imyaka 20 kubera uruhara rwiwe mu myirekano yakurikiye amatora yo mu 2010.

Simone Gbagbo umupfasoni wa Laurent Bagbo yahoze arongoye Cte d’ Ivoire

Simone Gbagbo, w’imyaka 65, bimwe mu vyo yagirizwa akaba ari uguhangabanya umutekano w’igihugu, kuvutsa ukugararariza mu banyagihugu. Umugabo wiwe Laurent Gbagbo aracarindiriye kuburanishwa na sentare mpuzamakungu mpanavyaha. Abashika ibihumbi bitatu bapfiriye mu myiyerekano yakurikiye amatora y’umukuru w’ico gihugu, igihe Laurent Gbagbo yanka kwemera ko yatsinzwe na Alassane Ouattara.

Simone Gbagbo n’umushingantahe wiwe bafashwe mu 2011 bahungiye mu gisagara c’i Abidjan. Abo mu muryango wiwe baravuga ko ico gihano ata butungane burimwo, bakavuga impande zose zakoze ibikorwa bibi zikwiye kujanwa mu ma sentare.
Laurent Gbagbo, we yagirizwa ivyaha bine birimwo ubwicanyi, gufata ku nguvu abagore n’ivangura.