Accueil > Amakuru > Muri Afrika > Somaliya : Bamwe mu bakuru mu giporisi n’igendereza bakomboye
Somaliya : Bamwe mu bakuru mu giporisi n’igendereza bakomboye
mercredi 9 Mukakaro 2014
Umukuru w’igihugu ca Somaliya yakuye kuri uno wa mbere, abakuru mu gipolisi hamwe na bamwe bakora mu rwego rw’iperereza, ivyo akaba yabikoze umunsi umwe gusa abashababu bateye ikirimba c’umukuru w’igihugu i Mogadiscio, igitero kigira kabiri guhera mu ntango z’uno mwaka.
Abakuru mu gipolisi hamwe na bamwe mu rwego rw’iperereza bakuwe nk’uko vyashikirijwe n’umushikiranganji ajejwe kumenyeshamakuru. Igitero co kuri uno wa kabiri, cabaye umukuru w’igihugu ca Somaliya Hassan Cheikh Mohamud atari hari, ico gitero kikaba gisa nk’icabaye mu kwezi kwa Ruhuhuma. Abo bagizi ba nabi bari biyambitse imyambaro isa n’iyabasirikare b’igihugu ca Somaliya. Umuvugizi w’abashababu akaba yiyemereye ico gitero kuri uno wa kabiri ,akavuga ndetse ko bashoboye no kwinjira mu kirimba c’umukuru w’igihugu. Ariko Reta yahakanye ivyo vyahsikirijwe n’umuvugizi w’abashababu.
Reta yo ivuga ko izo nkozi z’ikibi zishwe zitaraninjira mu kirimba. Ku nkozi z’ ikibi 4 zitatu ziciwe hanze, imwe nayo irafatwa nk’imbohe. Kuva aho birukaniwe mu gisagara mu mwaka w’2011 n’ingabo za AMISOM, abashababu bashira imbere cane ibikorwa vy’iterabwoba. Abo bashababu nyene bakaba bemeza ko bamaze iminsi bagaba ibitero mu bihugu vyose biri muri AMISOM, na cane cane mu gihugu ca kenya.
Floxella Karire
