Somaliya: General Aden Elmi yahatswe kwereka umukondo ijuru

Umukuru w’igisirikare ca Somaliya GeneralDahir Aden Elmi yahatswe guhitanwa n’igisasu catewe umuduga wiwe, Imana irakinga, igihe yariko ararengana ku murwa mukuru i Mogadishu.

Umukuru w’igisirikare ca Somaliya, General Dahir Aden Elmi yarokotse igitero i Mogadishu ku murwa mukuru wa Somalia. Imodoka yari itwaye General Elmi yaturikijwe n’igisasu igeze hafi y’ibiro vy’ubushikiranganji bw’ingabo z’ico gihugu.
Igisirikare ca Somalia gifatanije n’ingabo z’Afrika zagiye kugarukana amahoro n’umutekano, bakaba bariko bararwanya bimwe bikomeye umurwi w’abarwanyi b’inrtagondwa wa Al-Shabaab, wigaruriye igice kinini co Hagati no mu maja Epfo y’igihugu.

Tukaba twobamenyesha ko kuri uwu wa kabiri, abarwanyi ba Al-Shabaab bateye ikambi y’igisirikare iri hagati mu gihugu, bica abasirikare benshi ba Somaliya hamwe n’abo muri Ethiopia. Ivyo bikaba bishitse kandi mu gihe, abo barwanyi bari bateye ingoro ikoreramwo inama nshingamateka, ariko Imana irakinga, abasirikare ba AMISOM baba bahashitse.