Somaliya : Umwe mu bayobozi ba Al Shabab yishikanye ku butegetsi

Mw’ishirahamwe mpuzamakungu ONU bamenyesha ko umwe mu bayobozi b’umurwi w’iterabwoba Al Shabab, urwanya ubutegetsi muri Somalia, Hassan Dahir Aweyes, yishikanye mu maboko y’ingabo zirwanira Leta ya Somaliya.

Aweyes yishikanye mu gisagara ca Adado hafi mu birometero 500 uvuye mu maja ruguru y’umurwa mukuru wa Mogadishu.

Ivyo vyabaye inyuma y’ingwano zikaze zabaye mu mpera z’indwi twaraye turangije, hagati y’imirwi itavuga rumwe mu barwanyi ba Al Shabab.

Amakuru dukura kuri BBC amenyesha ko Hassa Dahil Aweyes yahakanye ko yoba yarishikanye mu maboko ya Leta, kandi akaba yamirira kure amakuru avuga ko yanse kuja mu gisagara ca Mogadishu.

Hassan Dahir Aweyes, umwe mu bayobozi ba Al Shabab yishikanye ku butegetsi