Imbwa ya Obama yamaramaje umukenyezi wiwe

Sunny, imbwa yo mu muryango wa Barack Obama, haraho ikara rimwe rimwe. Igihe iyo mbwa yari yakiriye inabuja Michelle Obama, yacuranguje hasi akana k’agakobwa k’imyaka ibiri, karwa hasi katirwaniye na gato.

Kuri uwo mugoroba, Michelle Obama yariko atembereza imiryango y’abasirikare muri "Maison Blanche", abereka ingene iyo ngoro bayisharije mu kwitegurira umunsi mukuru wo guhimbaza ivuka rya Yezu. Aha bageze mu cumba ca mbere, ngiyo Sunny, imbwa yiwe itembagaje agakobwa k’imyaka ibiri, iteza isoni umugore w’igihangange Barack Obama. Ivyo vyabaye hari haheze akanya, Sunny isa n’iyitekanye, igendera hafi ya Ashlyn Gardner, umwana w’imyaka ibiri.

Iyo mbwa yo mu muryango wa Obama yagomvye gukinisha ako gakobwa, nako kagira ubwoba ije ikagana, karwa igihumura, kikubita hasi imbere y’imiryango y’abasirikare bariko bagenzura iyo nyubakwa, baraba ingene ingoro ishajije. Michelle Obama abibonye yuzura ubwoba n’isoni, yirukana iyo mbwa maze yakira uwo mwana aramuhendagiza.