Accueil > Amakuru > Mu makungu > Syria : Abandi banyagihugu bakuwe muri Homs
Syria : Abandi banyagihugu bakuwe muri Homs
lundi 10 Ruhuhuma 2014
Abakozi b’ishirahamwe mpuzamakungu ONU bakuye muri Homs amajana y’abanyagihugu, muri abo hakaba harimwo abagore n’abana.
Bulamatari w’intara yavuze ko abantu barenga amajana atandatu bashoboye gutabarwa. Umunyamakuru ari hafi ya Homs yavuze ko n’imiburiburi abantu buzuye bisi zibiri bajanywe hanze y’igisagara ca Homs.
Nk’uko aya makuru tuyakesha BBC Gahuzamiryango abivuga, bajejwe gutabara bajanyeyo infungurwa n’imiti. Abarwanya Reta bavuga ko ikibanza carimwo abarindiriye gutabarwa catewe ibisasu. Ariko ivyahononekariye canke abantu boba bahasize ubuzima bakaba bataramenyekana.
Bavuga kandi ko ingabo za Reta zafashe bamwe mu bagabo bari mu batabawe mu gukurwa mu gisagara ca Homs.
Aristide Nizigire
