Tanzaniya : Abigeme barabangamiwe n’ababaca kimwe mu bihimba bigize igitsina cabo

Abakobwa bo mu gihugu ca Tanzaniya bagera kuri 634 nibo bahungutse inyuma y’aho batereye bakomoka kubera gutinya gucibwa kimwe mu bihimba bigize igihimba c’irondoka.

Abo bakobwa nk’uko aya makuru tuyakesha ikinyamakuru ca Reta ya Tanzaniya abivuga, batanguye guhunga mu kwezi kwa Gitugutu umwaka uheze bava mu ntara ya Tarime aho uwo mugenzo wo guca kimwe mu bihimba bigize igihimba c’irondoka c’abakobwa (excision) ukaze. Abo bakobwa bakaba bari bahungiye mu ntara zitandukanye inyuma y’ukwitura amashirahamwe aharanira agateka ka zina muntu n’akabagore y’aho muri ico gihugu.

Uwo mugenzo ukorwa na bamwe mu banyagihugu b’ico gihugu ukaba ugisibije nk’uko bivugwa n’umushikiranganji w’abakozi n’akazi asanzwe ari umukenyezi. Umupfasoni Gaudensia Kabaka akaba yarishikiye Masanga hamwe mu hagirwa uyo mugirwa wo gucacura ico gihimba c’abakobwa, yasavye abakuru b’imiryango kudasubira kuburagiza abakobwa kuko ico gikorwa kiri mu bihungabanya agateka k’abigeme.

Gaudensia Kabaka umushikiranganji w’abakozi n’akazi

babangamiwe nk’uko ikinyamakuru ca Reta Daily News kibivuga ni abakobwa biga mu mashure y’intango hamwe n’ayisumbuye bafise imyaka 10 kugeza kuri 16. Bamwe rero mubaca ivyo bihimba abana b’abigeme bakaba bafatwa bagafungwa n’aho uwo mugirwa udahebwa burundu.