Tchad : Ingingo nshasha kuri Centrafrika

Ingingo zugara urubibe igihugu ca Centrafrika gihana na Tchad zafashwe n’umukuru w’ico gihugu, aho avuga ko izo mbibe zizosubira kwugururwa, ari uko ingorane ziri muri ico gihugu zitorewe umuti.

Idriss Deby Into akaba yamenyesheje ivyo, mu gihe yari mu rugendo mu Bumanuko bw’ico gihugu i Daha, ko urubibe bahana n’igihugu ca Centrafrika rwugawe, gushika ingorane ziri muri ico gihugu zitorewe umuti. Ivyo uwo mukuru w’ico gihugu akaba abivuze inyuma yaho, abasirikare biwe bari gufasha kugarukana amahoro muri ico gihugu basubirijwe iwabo, bagirijwe gucucagira amasasu mu banyagihugu, haraheze ukwezi kwose.

Ariko Deby akavuga ko umunyagihugu wese avuka muri Tchad yoba akiri muri Centrafrika ariko akipfuza gutahuka, ko urubibe azorwugururirwa neza cane, ariko ibikorwa hamwe n’imigenderanire kuri urwo rubibe bikaba bihagaritswe, ndetse hakaba hagiye kurwizwa n’abasirikare bazocungera imbibe.