Accueil > Amakuru > Muri Afrika > Tunisia: Iyicwa rya Shokri Belaid yahora arwanya Reta
Tunisia: Iyicwa rya Shokri Belaid yahora arwanya Reta
mercredi 6 Ruhuhuma 2013
Muri Tunisia hadutse imyiyerekano y’abatavuga rumwe na Reta inyuma yaho umukuru wabo Shokri Belaid yiciwe.
Belaid yishwe arashwe. Yanegura cane umugambwe wa kiisilamu Ennahda uri ku butegetsi.
Abantu ibihumbi n’ibihumbi bagiriye iyo myiyerekano ku murwa mukuru Tunis no mu gisagara ca Sidi Bouzid aho iyo myiyerekano yatanguriye.
Abigaragamvya bavuga umugambwe Ennahda ariwo uri inyuma y’iyicwa rya Belaid.
Igipolisi cakoresheje ivyuka vyokera mu maso kugira gishwiragize abo bantu.
Umukuru w’umugambwe Ennahda, Rached Gannouchi yiyamirije ubwo bwicanyi, avuga ko abishe Belaid atakindi bashaka atari gusesa amaraso.
Jean Marie Ndayikengurutse
