Ubushinwa: Bo Xilai yagirizwa kurya ruswa

Umwe mu banyepolitiki bazwi cane mu Bushinwa, Bo Xilai, yagirijwe n’ubutungane bwo mu Bushinwa icaha co kurya ruswa n’ukwitwaza umwanya yari afise mu kunyonora amatungo ya Leta.

Ibi rero bikaba biri mu vyotuma ashikanwa imbere y’ubutungane mu mayinga make ari imbere. Iyi ngingo rero ikaba ari iy’ubutungane yo mu gisagara ca Jinan kiri mu Buseruko bw’igihugu c’Ubushinwa. Uyo mugabo rero bikavurwa ko yari amaze umwaka wose ataboneka mu butungane. Bo Xilai rero akaba yahoze ari umukuru w’umugambwe wa gikominista mu gisagara ca Chongqing, akaba ndetse yarigeze kuba umwe mu bantu bakomeye cane mu Bushinwa kandi akaba yaguma aduga cane muri uyo mugambwe.

Ukurwa kwiwe muri politike, nikwo kwoba kwatumye amakosa yiwe aja ahagaragara harimwo ivyo kunyonora amatungo n’ukwitwaza ubutegetsi. Ukwutumvikana kwiwe na bamwe mu bategetsi bo hejuru kukaba kuri mu biriko biramukwegera kwitaba ubutungane yagirizwa ruswa.