Ubutaliyano : Berlusconi yaciriwe imyaka 7 y’umunyororo

Sentare yo mu Butariyano yakatiye umunyororo w’imyaka indwikatiye imyaka 7 Silvio Berlusconi yahoze ari umukuru wa Leta y’ico gihugu inyuma yo kwagirwa n’icaha co kugira imibonano mpuzabitsina n’indaya (maraya) yo ku rugero rw’umwana.

Sentare y’i Milan yongeye iramubuza kuzosubira kwitoza mu kibanza c’umuyobozi muri Leta. Sentare yaramwagirije kandi gukoresha ubushobozi bwa politike mu kugerageza kunyegeza ko yakoze ico caha c’imibonano mpuzabitsina.

Yaba Berlusconi yaciriwe urwo rubanza, yaba uwo mukobwa aririmba mu nzu y’ubutambiro, bose bavuga ko batigeze bagirana imibonano mpuzabitsina.

Mwomenya ko Berlusconi yari asanzwe yarakatiwe igihano co gufungwa kubera kutariha ikori ariko abamenyeshamakuru bavuga ko ashobora kudahonyoza ikirenge mu munyororo kubera ko imanza zungurujwe zimara igihe kirekire cane mu Butaliyano