Ubutaliyano : Leta yuvikanywe n’abarongoye imigambwe

Mu Butaliyano habaye umwumvikano wo gushiraho Leta ihurikiyemwo bose inyuma y’amezi hari ukwutumvikana muri politike y’ico gihugu.

Umushikiranganji wa mbere yashizweho Enrico Letta, yamenyesheje ko habaye umwumvikano inyuma y’imibonano bagiranye n’umugambwe w’abademocrate hamwe n’abaconservateur bahurikiye mu mugambwe wa People of Freedom w’uwahoze ari umushikiranganji wa mbere Silvio Berlusconi.

Umunyamabanga w’uyo mugambwe wa Berlusconi, Angelino Alfano niwe azoba icegera c’umushikiranganji wa mbere;Berlusconi we rero ngo ntazoja muri iyo leta.