Accueil > Amakuru > Mu makungu > MAU MAU izoshumbushwa n’Ubwongereza
MAU MAU izoshumbushwa n’Ubwongereza
jeudi 6 Ruheshi 2013
Leta y’Ubwongereza yemeye guha agashumbusho abanywanyi b’umugambwe Mau Mau wo muri Kenya bahohotewe n’abasirikare b’Ubwongereza mu gihe c’ubukoroni.
Umushikiranganji w’Ubwongereza ajejwe imigenderanire, William Hague, yamenyesheje ko ibihumbi vy’abanye Kenya bakubaguwe mu gihe umugambwe Mau Mau watanguza ibikorwa vyo gusaba ukwikukira ku nguvu mu myaka y’1950.
Umushingantahe Hague yavuze ko Leta y’Ubwongereza izotanga agashumbusho k’amafaranga arenga imiriyoni mirongo ibiri z’ama dolare.
Umugwi w’abahoze ari aba Mau Mau, bitwariye Ubwongereza muri sentare mu gisagara ca Londres basaba ko Leta yemeza amahano bakorewe, urwo rubanza bararutsinda mu mwaka uheze.
Ubwongereza rero bukaba bwiteguriye gutanga agashumbusho kuri abo bantu bahohotewe.
Egide nduwimana
