Accueil > Amakuru > Utuntu n’utundi > Ubwongereza : Kate yoba yarahatswe kuvuga igitsina c’umwana azokwibaruka
Ubwongereza : Kate yoba yarahatswe kuvuga igitsina c’umwana azokwibaruka
mercredi 6 Ntwarante 2013
Mu rugendo rwiwe Kate Middleton aho yari yagendeye ku kivuko ca Grimsby mu buseruko bw’igihugu c’Ubwongereza, yarahatswe kuvuga igitsina c’umwana azokwibaruka nk’uko abamwakiriye babimenyesha.
Hari hakoraniye abantu bagera hafi ibihumbi bibiri bari baje kumwakira hari haciye isaha yose , imbere yuko ashika yacerewe kw’isaha yari yategekanijwe. Uwo mukenyezi w’umuganwa William yari yaje kuramukanya muri ako karere no guhabwa utuganuke n’abanyagihugu tugizwe n’impuzu z’umwana n’ibindi vyinshi.
Umwe mubamwakiriye amenyesha ko yumvise kate avuga ngo: “Murakoze, aka kaganuke ndakakiriye nzogaha umuk...”aca aranuma. Uwo mukenyezi amubajije ko yashatse kuvuga umukobwa wiwe, Kate yaciye avuga ko atavyo azi. Uwo mukenyezi yaciye yishura Kate ko azi neza ko abizi.
Kate yamwishuye ko badashaka kuvuga igitsina c’umwana bazovyara.
Grace Irimbere
