Ubwongereza: Ntakangonongono mu mupira w’amaguru

Imigwi y’umupira w’amaguru mw’ihiganwa rya Premiership mu Bwongereza yumvikanye gukoresha ubuhinga bwo mu kigo Hawkeye bwerekana ko igitsindo cinjiye, guhera mu mahiganwa azokurikira.

Iyo migwi yatoye ubuhinga bwakozwe n’ikigo co mu Bwongereza, busanzwe bukoreshwa mu nkino za tennis na cricket.Hawkeye ivuga ko ivyuma bifata amasanamu (camera) ikoresha, bifise ubunyarutsi bunini cane, ku buryo bishobora kwerekana aho umupira waguye mu misegonda mike, bagaca babimenyesha umuhagarikizi.

Harabaye amakosa menshi akomeye, aho umupira waba warenganye umurongo w’igori, ariko umuhagarikizi ntatange igitsindo,rimwe na rimwe ugasanga birateranije abarorerezi,abakinyi be n’umuhagarikizi.ubwo buhinga rero bukaba buzotuma atanumwe atahana akangonongono.