Accueil > Inkino > FOOTBALL > Uko imirwi izohura mu nkino zizobera muri Brésil vyamenyekane
Uko imirwi izohura mu nkino zizobera muri Brésil vyamenyekane
samedi 7 Kigarama 2013
Mu gihugu ca Brésil, hamenyekanye uko imirwi nserukirabihugu y’umupira w’amaguru izohura mu gikombe c’isi kizobera mu gihugu ca Brésil mu mwaka w’I 2014. Ibihugu 32 vyashizwe mu mirwi 8.
![](local/cache-vignettes/L616xH400/article_fifa-60d60.jpg?1517293012)
Mu gihugu ca Brésil niho izo nkino zizobera. Ico gihugu kizokina mu murwi wa mbere, mu gihe igihugu ca Espagne catsindiye igikombe c’isi co mu mwaka w’i 2010, cabereye muri Afrika y’epfo, kiri mu murwi wa 2.
Imirwi imwe imwe n’abakinyi barashima uko amatora yagenze, bamwe bakabona ko bagize amahirwe abandi bakidodomba. Umukinyi Lukaku wa Chelsea yavuye muri Everton, arakenguruka ko igihugu c’Ububirigi gitomboye umurwi woroshe, uwo ariko ashima ariko Abongereza babonako guhura n’imirwi ya Uruguay n’Ubutariyano atari akazi koroshe.
N’aho atazohonyoza ukuguru muri Brésil mu gikombe c’isi, umukinyi Gareth Bale akina mu murwi Real Madrid yagize ico avuze aravye imirwi ibihugu vyagiye vyisangamwo, uwo rero yasanze Abongereza batomboye imirwi ikomeye cane. Aribaza kandi ko inkino zizoba ziryoshe aravye ibihugu bizogenda bitana mu mitwe.
Imirwi ibiri yashitse mu nkino za nyuma mu gikombe c’isi giheruka, Espagne n’Ubuhorande izokina mu murwi umwe wa 2.
![](local/cache-vignettes/L345xH194/ballon-brazuca-mondial-foot-53bc5.jpg?1517293012)
Uko imirwi nserukirabigugu y’umupira w’amaguru ihimbaguwe mu mirwi inyuma y’ukumanisha kwabaye:
Umurwi A: Brésil, Croatia, Mexico, Cameroun.
Umurwi B: Espagne, Hollande, Chile, Australie.
Umurwi C: Colombie, Grece, Cote d’Ivoire, Japon.
Umurwi D: Uruguay, England, Costa Rica, Italie.
Umurwi E: Switzerland, Ecuador, France, Honduras.
Umurwi F: Argentine, Bosnie Herzegovine, Iran, Nigerie.
Umurwi G: Germany, Portugal, Ghana, USA.
Umurwi H: Belgium, Algérie, Russia, Coree.
Ico gikombe kizoba kuva kw’igenekerezo rya 12 Ruheshi gushika kw’igenekerezo rya 13 Nyakanga mu mwaka uza w’2014.
NKESHIMANA Chérif
Messages
8 Kigarama 2013, 07:36, par 76199303
Iyo nteguro ninziza nanje ndashima
8 Kigarama 2013, 13:02, par kubwayezu
Babiteguye neza naje ndashima