Accueil > Amakuru > Mu makungu > Yarashwe n’umukozi wa FBI i Florida
Yarashwe n’umukozi wa FBI i Florida
jeudi 23 Rusama 2013
Amakuru dukesha ibinyamakuru bitari bike vyo muri Leta zunze ubumwe za Amerika amenyesha ko umugabo w’imyaka 27 yishwe kuri uwo wa gatatu n’urusase, muri Leta ya Floride.
Yari umugenzi wa Tamerlan Tsarnaev, umwe muri babiri bagize igitero muri Leta ya Boston, yishwe nawe inyuma gato y’ico gitero.
Uwo mugabo yarashwe na FBI kuwa gatatu igenekerezo rya 22 Rusama i Orlando muri Leta ya Floride yitwa Ibragim Todashev.
Umukozi wa FBI yari aje kumubaza, inyuma y’amasaha abiri ariko arabazwa, uwo mugabo,yarasanzwe yitwaje imbugita yagerageje gucumita uwo mukozi wa FBI. niko guca amurasa.
Ibragim Todashev yari umugenzi ashika wa Tamerlan Tsarnaev bakinana urukino rwa karate. Todashev yari yanamuvugishije kuri ngendanwa mu kwezi guheze. FBI yari imaze imisi imwiyezako kuva ico gitero kibaye kw’igenekerezo rya 15 Ndamukiza kandi yari yamubajije kenshi.
Amakuru dukesha mugenzi we , Khusn Taramiv, imbere y’uko yitaba Imana, yari yiyemereye ko yagize uruhara ku rupfu rw’abantu batatu.
Abo bantu batatu rero bari batowe banizwe aho basanzwe bakorera
Prosper Ndayikeza
