Accueil > Amakuru > Utuntu n’utundi > Umugore yakijijwe n’imbwa yiwe agomba yiyahure
Umugore yakijijwe n’imbwa yiwe agomba yiyahure
mercredi 6 Ntwarante 2013
Umugore yagomba yiyahure ari muhira aho aba I Sorgues muri Vaucluse mu bumanuko bw’Ubufaransa yakijijwe n’imbwa yiwe imusunitse agomba yirase yamaze gushira umunwa w’inkoho ku mutima.
Nk’uko amakuru dukesha itororokanirizo ry’amakuru ry’abafaransa AFP abimenyesha,uwo mugore afise imyaka 63 y’amavuko,yavuye mu murima w’amashurwe afise inkoho yo mu bwoko bwa carabine,afise umugambi wo guheza ubuzima bwiwe.
Ayo makuru avuga ko,ahejeje kugerageza incuro nyinshi ngo arabe ko inkoho ikora neza,yafashe inkoho ayirabisha ku mutima,igihe yagomba arekure urusasu imbwa yaciye imusimbirako ica ituma urusasu rudatumbera ku mutima.
Umusirikare umwe yavuze ko iyo mbwa yoba yari yumvise ko ivyo bigiye kuba ica iramusunika kugirango imukize.
Uwo mukenyezi yakomeretse mu gikiriza,ariko agifise ubwenge yaciye atorwa n’umugabo wiwe,amagara yiwe akaba atifashe nabi.
Mugisha Van Naris
